Kačanava sapraŭdy zajaviła, što nie mienš za 30% kantentu telekanałaŭ pavinna być na biełaruskaj movie? Ejsmant: «Nie, žurnalisty nabłytali»
dapoŭniena
Kiraŭnica Administracyi prezidenta Biełarusi Natalla Kačanava paviedamiła pra zadaču pa zabieśpiačeńni najaŭnaści nie mienš za 30% kantentu ajčynnych telekanałaŭ na biełaruskaj movie.
Jak paviedamlaje karparatyŭnaje vydańnie «Kalijščyk Salihorska», ab adpaviednym daručeńni Kačanava paviedamiła padčas niadaŭniaj sustrečy z pracoŭnym kalektyvam «Biełaruśkalija».
«Načalnik adździeła infarmacyjna-ideałahičnaj pracy (Biełaruśkalija) Natalla Navickaja zadała pytańnie ab papularyzacyi biełaruskaj movy na ajčynnym telebačańni. Natalla Ivanaŭna (Kačanava) pahadziłasia z prapanovaj i nahadała pra toje, što pastaŭlena zadača ab najaŭnaści nie mienš za 30% kantentu ajčynnych telekanałaŭ na biełaruskaj movie», — skazana ŭ publikacyi.
Paźniej pres-sakratarka Alaksandra Łukašenki Natalla Ejsmant abvierhła publikacyju «Kalijščyka» ŭ kamientary dla radyjo «Svaboda».
Zhodna z zakonam «Ab ŚMI», raskazała jana, havorka idzie pra 30% nacyjanalnaha kantentu — filmaŭ i pieradačaŭ, stvoranych u Biełarusi. A ŭ kantekście hetaha «možna raźličvać i na toje, što biełaruskaja mova budzie vykarystoŭvacca čaściej».
Na ŭdakładnieńnie ab najaŭnaści niejkaj inšaj kvoty na biełaruskuju movu na TV jana adkazała: «Viadoma, nie, niama». Na dumku Ejsmant, žurnalisty, jakija pieradavali słovy Kačanavaj, niešta nabłytali.