Brytanski parłamient prahałasavaŭ suprać adterminoŭki «Brekzitu»
U parłamiencie Vialikabrytanii prajšło hałasavańnie pa siami papraŭkach da pahadnieńnia pa «Brekzitu», paviedamlaje BBC.
Deputaty adchilili papraŭku, jakaja dazvalaje adkłaści vychad ź Jeŭrasajuza na dzieviać miesiacaŭ, kali parłamient nie ŭchvalić pahadnieńnie pa «Brekzitu» da 26 lutaha. Pry hetym była pryniataja papraŭka, jakaja zabaraniaje vychad ź ES biez uhody z Bruselem.
Taksama parłamient prahałasavaŭ za vyklučeńnie z pahadnieńnia pa «Brekzitu» punkta ab śpiecyjalnym mytna-pamiežnym režymie ŭ Paŭnočnaj Irłandyi. Deputaty vystupili za vypracoŭku alternatyŭnych damoŭlenaściej na hety kont. Hetaja papraŭka była adnoj z samych važnych na hałasavańni.