Što byvaje, kali aŭtobus zajedzie na pamiežny pierachod pad Hrodna na čyrvonaje śviatło — žorstkaje FOTA
Ranicaj 1 lutaha na biełaruska-polskaj miažy na pierachodzie «Kuźnica» hrodzienski mikraaŭtobus vyrašyŭ nie spyniacca na čyrvonaje śviatło. Z-pad ziamli adrazu vyskačyŭ barjerny słupok, jaki prabiŭ bampier maršrutki, paviedamlaje Autogrodno.by.
Sprava ŭ tym, što na ŭjeździe ŭ polski punkt propusku ŭstalavany śvietłafor. Kala jaho treba spynicca, kab pasažyry vyjšli z mašyny i pacierli nohi ab brudny dezinfikujučy dyvanok. Heta nibyta pavinna spynić raspaŭsiud śvinoj čumy.
Aŭtamabili čaściakom prajazdžali mima śvietłafora na čyrvonaje. Kiroŭca maršrutki nie ŭličyŭ, što palaki prydumali i zapuścili novuju sistemu kantrolu.