Zahinuli pad bardziurami
Stali viadomyja pryčyny trahiedyi ŭ Pinskim pahranatradzie, što zdaryłasia 18 śniežnia na aŭtadarozie Stolin—Žytkavičy ŭ rajonie Davyd‑Haradka.
Stali viadomyja pryčyny trahiedyi ŭ Pinskim pahranatradzie, što zdaryłasia 18 śniežnia na aŭtadarozie Stolin—Žytkavičy ŭ rajonie Davyd‑Haradka.U toj dzień byŭ hałalod. Hruzavik, u jakim jechała źmiena pamiežnikaŭ u składzie 14 čałaviek, źjechaŭ z trasy i pierakuliŭsia. Zahinuŭ adzin vajskoviec terminovaj słužby, dva kantraktniki i adzin praparščyk. Dziesiać vajskoŭcaŭ traŭmavanyja.
Spravaj zajmajecca vajskovaja prakuratura pamiežnych vojskaŭ. Padrabiaznaściaŭ tut nie dajuć.
Paśla takich zdareńniaŭ u vajskovych častkach pa ŭsioj krainie ładziacca schody, na jakich paviedamlajuć pra takija pazaštatnyja situacyi dy robiać arhanizacyjnyja vysnovy. Jak paviedamiŭ vajskoviec adnoj z aŭtamabilnych častak, im raskazali, što
ŭ toj dzień u hruzaviku z pamiežnikami pieravozili bietonnyja bardziury, jakija śmiarotna traŭmavali vajskoŭcaŭ u momant avaryi.