Sud Sievastopala prysudziŭ «ukrainskich dyviersantaŭ» da 14 hadoŭ kałonii
Alaksiej Biesarabaŭ, fota FSB /TASS
Sud Sievastopala prysudziŭ da 14 hadoŭ kałonii strohaha režymu dvuch miascovych žycharoŭ Uładzimira Dudku i Alaksieja Biessarabava, jakich FSB ličyć ahientami ŭkrainskich śpiecsłužbaŭ, paviedamlaje «Interfaks».
Taksama asudžanym pryznačanyja štrafy: Dudku — 350 tysiač rubloŭ (11 500 biełaruskich), Biessarabavu - 300 tysiač rubloŭ (9 800 rubloŭ).
Pa słovach advakataŭ, svajoj viny padsudnyja nie pryznajuć; jany ličać svaju spravu sfabrykavanaj i majuć namier abskardzić prysud.
Pra zatrymańnie Alaksieja Biessarabava, Uładzimira Dudki i Dźmitryja Štyblikava FSB abviaściła ŭ listapadzie 2016 hoda. Ich nazyvali ŭdzielnikami dyviersijna-terarystyčnaj hrupy ŭkrainskaj raźviedki, płanavaŭ dyviersii na abjektach vajennaj infrastruktury i žyćciezabieśpiačeńnia Kryma.