Aleksijevič: Ja za toje, kab pieramoh Zialenski
Pra heta nobieleŭskaja łaŭreatka zajaviła ŭ intervju Radyjo Svaboda
«U mianie napačatku byli vialikija nadziei na Parašenku. Ale jany, na žal, nie spraŭdzilisia. I ja za toje, kab Zialenski pieramoh. Mnie zdajecca, što jon pieramoža. I my ŭbačym, jak prychodzić novaje pakaleńnie. Jano prychodzić va Ukrainie, u Charvatyi, u Słavaččynie», — kaža Śviatłana Aleksijevič.
«Ja chacieła b vieryć, što hetaje novaje pakaleńnie nie budzie kraści i budzie sumlenna rabić svaju pracu. Prezidenctva — heta nie bolš čym praca, a nie miesijanstva. Moža, u hetych maładych ludziej nie ŭsio adrazu atrymajecca, ale kraści jany nie buduć. Jany zachočuć zastacca ŭ historyi sumlennymi. Ale što budzie nasamreč, nichto z nas nie viedaje», — dadała jana..