U Breście pa spravie ab patronach i vybuchoŭcy zatrymali i syna Majsieja Maźko
Pozna ŭnačy na 5 krasavika stała viadoma, što ŭ Breście zatrymany Dzianis Maźko — syn pratestoŭcy suprać akumulatarnaha zavoda, na jakoha zaviali kryminalnuju spravu za patrony i vybuchoŭku, piša Radyjo Svaboda.
«Pry padtrymcy AMAPa i słužbovaj sabaki praviali pieratrus na nadziele, dzie raźmieščany padmurak, vahončyk. Ničoha nie znajšli, ničoha nie zabirali, ale pozna ŭviečary Dzianisa zaprasili ŭ Śledčy kamitet, doŭha dapytvali, i a 1:30 stała viadoma, što jaho zatrymlivajuć pa kryminalnaj spravie na troje sutak. Pa toj ža spravie, što i Majsieja», — raspavioŭ pravaabaronca Raman Kiślak.
Pravaabaronca kaža, što inicyjatyŭnaja hrupa pratestoŭcaŭ suprać akumulatarnaha zavodu ličyć hetyja padziei pravakacyjaj «z metaj zrabić brudny pijar, dyskredytavać pratest».