Zołatavalutnyja reziervy Biełarusi za sakavik vyraśli na $150 miljonaŭ
Mižnarodnyja reziervovyja aktyvy Biełarusi na 1 krasavika skłali 7 245,6 młn. dalaraŭ ZŠA (u ekvivalencie), paviedamlaje Nacbank.
Za sakavik ZVR vyraśli na 150,5 młn. dalaraŭ ZŠA (na 2,1 pracenta) paśla rostu ŭ lutym 2019 hoda na 77,5 młn. dołaraŭ ZŠA (na 1,1 pracenta).
U sakaviku ŭradam i Nacbankam vykanana źniešnich i ŭnutranych abaviazacielstvaŭ u zamiežnaj valucie na sumu kala $316 młn.
Pavieličeńniu ŭzroŭniu zołatavalutnych reziervaŭ u sakaviku spryjali pastupleńnie srodkaŭ ad prodažu Nacyjanalnym bankam i ŭradam ablihacyj, naminiravanych u zamiežnaj valucie, kupla zamiežnaj valuty Nacbankam na tarhach AAT «Biełaruskaja valutna-fondavaja birža», pastupleńnie zamiežnaj valuty ŭ biudžet, u tym liku ad źbirańnia ekspartnych pošlin na naftu i naftapradukty.