U pasła Ukrainy vyklikajuć pytańni častyja sustrečy «kuma Pucina» z Łukašenkam
president.gov.by
Pasła Ukrainy ŭ Biełarusi Ihara Kizima ździŭlajuć častyja sustrečy ŭkrainskaha palityka, kiraŭnika palitrady partyi «Apazicyjnaja płatforma — Za žyćcio» Viktara Miedviedčuka c Alaksandram Łukašenkam, pišiet Tut.by
— Mianie taksama heta ździŭlaje i vyklikaje pytańni. Asabliva, što jon ujaŭlajecca jak udzielnik [padhrupy pa humanitarnych pytańniach] trochbakovaj kantaktnaj hrupy pa ŭrehulavańni kanfliktu na Danbasie]. Choć ja ŭ Minsku ŭžo hady paŭtara nie bačyŭ jaho na pasiadžeńniach hrupy. Moža jon, viadoma, sustrakajecca z udzielnikami hrupy. Ale, pa maim asabistym mierkavańni, tak pradstaŭlacca nie zusim karektna, — skazaŭ dypłamat u kamientary Tut.by.
Iharu Kizimu zdajecca, što ŭ ciapierašni čas Miedviadčuk bolš zajmajecca ŭnutranymi palityčnymi pytańniami, čym Danbasam.
— Jon uznačalvaje partyju [«Apazicyjnaja płatforma — Za žyćcio»], padtrymlivaje kandydata ŭ prezidenty Juryja Bojku. Ale znoŭ ža ja nie ŭjaŭlaju pradmiet razmoŭ, kali Alaksandr Ryhoravič kaža, što Parašenka vyjhraje vybary, — skazaŭ Kizima. Varta nahadać, što 22 sakavika Miedviadčuk i Bojka pabyvali ŭ Maskvie i viali pieramovy z premjer-ministram Rasii Dźmitryjem Miadźviedzievym i kiraŭnikom «Hazproma» Alaksiejem Mileram.
Ambasadar Ukrainy ŭ Biełarusi taksama nie vyklučyŭ, što na sustrečach Miedviedčuka z Łukašenkam «mahli abmiarkoŭvacca pytańni biznesu, tady ŭsio zrazumieła», ale jon «u hetyja spravy nie pryśviečany», tamu nie moža kamientavać.