U biełaruskich škołach chočuć uvieści štat achoŭnikaŭ i pasadu namieśnika dyrektara pa biaśpiecy
U Biełarusi prapracoŭvajecca mahčymaść uviadzieńnia va ŭstanovach adukacyi štata achoŭnikaŭ i pasady namieśnika dyrektara pa biaśpiecy. Pra heta paviedamiŭ načalnik hałoŭnaha ŭpraŭleńnia vychavaŭčaj raboty i maładziožnaj palityki Ministerstva adukacyi Eduard Tamilčyk, paviedamlaje BiełTA.
«Dadatkova ź Minfinam, Minpracy i sacabarony prapracoŭvajucca pytańni ab uviadzieńni va ŭstanovach ahulnaj siaredniaj adukacyi štatnaj kolkaści achoŭnikaŭ (dadatkova da vartaŭnikoŭ), a taksama pasady namieśnika dyrektara pa biaśpiecy. Hetaje pytańnie moža być vyrašana ŭžo da novaha navučalnaha hoda», — skazaŭ Eduard Tamilčyk.
Jon udakładniŭ, što hetyja supracoŭniki zusim nie pavinny być rabotnikami milicyi, ale dla ich abaviazkova budzie raspracoŭvacca pieralik funkcyjanalnych abaviazkaŭ i patrabavańniaŭ.