Łukašenka daručyŭ vyznačycca, ci treba Biełarusi ministerstva ličbavaj ekanomiki
Alaksandr Łukašenka daručyŭ uradu viarnucca da pytańnia ab stvareńni ministerstva ličbavaj ekanomiki i pryniać u druhim kvartale hetaha hoda rašeńnie, ci patrebna ŭ krainie dadzienaja struktura. Pra heta kiraŭnik dziaržavy zajaviŭ padčas sustrečy z pradstaŭnikami IT-supolnaści, piša BiełTA.
Ź inicyjatyvaj stvaryć u Biełarusi ministerstva ličbavaj ekanomiki vystupiŭ pradprymalnik, zasnavalnik inviestycyjnaj kampanii VP Capital Viktar Prakapienia. Na jaho dumku, takoje ministerstva mahło b stać svojeasablivym centralnym štabam i jak dziaržaŭny orhan zamknuć na sabie ŭsie pracesy infarmatyzacyi ŭ krainie.