U Navapołacku hvałtaŭnika zatrymali na miescy zdareńnia
Zdareńnie adbyłosia viečaram u niadzielu, paviedamlaje abłasnaja milicyja.
U apieratyŭna-dziažurnuju słužbu Navapołackaha HAUS pazvaniła žančyna, jana raspaviała, što na vulicy Kamsamolskaj kryčyć dziaŭčyna. Na miesca zdareńnia byli nakiravanyja najbližejšyja narady.
Milicyjantami praz 15 chvilin byŭ zatrymany 39-hadovy žychar Homiela. Było ŭstanoŭlena, što mužčyna, znachodziačysia ŭ stanie ałkaholnaha apjanieńnia, prystaŭ na vulicy da 19 hadovaj dziaŭčyny i, zaciahnuŭšy ŭ les, ździejśniŭ u dačynieńni da jaje hvałtoŭnyja dziejańni seksualnaha charaktaru.
Mužčyna byŭ nieadnarazova sudzimy za chulihanstva, naniasieńnie cialesnych paškodžańniaŭ, u tym liku ciažkich.
Zaviedziena kryminalnaja sprava.