Hałoŭny arhan Notr-Dama acaleŭ pry pažary, ale, vidać, mocna paškodžany
pixabay.com
Hałoŭny arhan sabora Notr-Dam nie zhareŭ pry pažary, ale moh być paškodžany mocnym naporam vady pry tušeńni. Pra heta zajaviŭ BFMTV pradstaŭnik Notr-Dama Andre Fino.
Ministr kultury Francyi Frank Ryjester, u svaju čarhu, zajaviŭ u efiry France Inter, što hałoŭny arhan, zabiaśpiečany piaćciu kłavijaturami i kala 8 tys. trub, «vyhladaje tak, byccam jon byŭ mocna paškodžany». Tym nie mienš, jon padkreśliŭ, što jašče «rana stavić dyjahnaz» muzyčnamu instrumientu.
Pa dadzienych L'Obs, pry pažary ŭdałosia vyratavać ciarnovuju karonu, jakuju, zhodna z chryścijanskaj tradycyi, uskłali na hałavu Isusa niezadoŭha da raśpiaćcia; frahmient Žyvatvornaha Kryža i ćvik; tuniku karala Francyi Ludovika IX Śviatoha, jakuju vynieśli ŭ samym pačatku pažaru; 16 statuj z dacha sabora, jakija źniali za niekalki dzion da zdareńnia.