Žančyna z Baranavičaŭ dvaccać hadoŭ tamu naradziła dzicia i zakapała jaho na ŭčastku svajakoŭ
pixabay.com
U Baranavičach na terytoryi pryvatnaha doma znajšli pareštki niemaŭlaci, zahornutyja ŭ polietylenavy pakiet.
— 16 krasavika ŭnačy ŭ Baranavicki HAUS patelefanavaŭ 35-hadovy mužčyna i raspavioŭ, što ŭ dvary jaho doma zakapanyja pareštki novanarodžanaha dziciaci. Pra heta mužčyna daviedaŭsia vypadkova — jon hutaryŭ ź siastroj, i taja prahavaryłasia, što dvaccać hadoŭ tamu ich svajačka naradziła dzicia i zakapała jaho ŭ ich na ŭčastku, — raspaviali ŭ abłasnoj milicyi.
Śledča-apieratyŭnaja hrupa nieadkładna vyjechała pa adrasie, jaki nazvaŭ mužčyna. Sapraŭdy, u pakazanym im miescy znajšli polietylenavy pakiet z kaścianymi pareštkami dziciaci.
Maci dziciaci — 51-hadovaja žycharka Baranavičaŭ — raspaviała, što dvaccać hadoŭ tamu naradziła dzicia. Pry rodach prysutničała jaje znajomaja. Niemaŭla žančyna zakapała na ziamielnym učastku svajakoŭ.
Pravaachoŭnyja orhany pravodziać pravierku, pryznačanyja sudova-miedycynskija ekśpiertyzy.