U Breście płanujuć pabudavać jašče adzin kaścioł FOTA
Chram śviatoha Kazimira moža źjavicca ŭ paŭdniova-zachodnim mikrarajonie №3. Harvykankam vynies prajekt na hramadskaje abmierkavańnie.
Fota: city-brest.gov.by.
Hramadskaje abmierkavańnie kancepcyi budaŭnictva kaścioła budzie prachodzić z 29 krasavika pa 13 maja. Kali prajekt budzie ŭchvaleny, to rymska-katalickamu chramu śviatoha Kazimira być.
Na hety momant u Breście jość try kaścioły — Uzvyšeńnia śviatoha Kryža na Lenina, śviatoha Jazepa na Suvorava i Maci Božaj Vaładarki ŭ zavułku Łamanosava.
Pad novuju rymska-katalickuju parafiju źbirajucca zaniać płošču ŭ 0,70 ha. U dvuchpaviarchovym chramie adnačasova zmohuć znachodzicca kala 200 čałaviek. Akramia taho, na ŭčastku pabudujuć haspadarčy błok, niadzielnuju škołu, dziciačyja placoŭki i placoŭku dla ćviordych bytavych adchodaŭ. Terytoryju vakoł aharodziać viečnazialonymi raślinami.