Hrymučy kacioł
Vieršy paetaŭ ź biełaruskaha LJ sabrali ŭ zbornik. Vyjšaŭ žorstki pank.
Vieršy paetaŭ ź biełaruskaha LJ sabrali ŭ zbornik [by_vershy].Pavodle nazvy adnajmiennaj internet-supolnaści. Pa adnym vyhladała jak pošuk novaj movy i novych sutnaściaŭ. U kompleksie
vyjšaŭ žorstki pank.Kazali: u čas stabilnaści žyviom, u čas stabilnaści... Dzie tam!
Kacioł.
Narod žorstka rasčlaniaje siabie, mastactva i samu movu — jaje, rusifikavanaj, invalidnyja mahčymaści:
Rasčlanionny trup mamancionka
Ja ŭbačyŭ - voś heta dyk dziva!!!
Prahulacca ŭ park vyjšaŭ zranku
A ŭ kišeni była «Naša Niva».
Zaviarnuŭ ja z saboj akuratna
Pakramsany trupiec mamancionka
Da, paśniedaŭ ja siońnia vydatna!
Da taho ž nakarmiŭ i kacionka.
Narod bušuje:
My vierym, prosta vierym
I paŭtarajem źviazna:
Svabodu biełarusam!
Svabodu palitviaźniam!
Narod pałaje ahniom:
Biełarus-svajača, ci dyšaš jašče ciapier?
Dzie tvaja chata, dzie mahiły dziadoŭ?
Dźvinsk, Smalensk, Bransk, Ćvier,
Biełastok, Vilnia, Čarnihaŭ, Pskoŭ?
Narod tonka stylizuje:
Raspranisia dahołu, u lustra hlań,
Paznaješ? Heta jon, vorah -łarusi Bie-!
Sa škapu pradziedavy mieč dastań
Dy zabi maskala ŭ sabie.
Narod žyvie napružanym duchoŭnym žyćciom:
Uźniaŭšy ruki da hary,
Nakiravaŭšy pozirk ŭ nieba,
Kryču: «Ja..cieś u rot, siabry!»...
I mnie adkazvajuć u kamientach.
A voś łakaničnaja tvorčaść z błohu adnaho viadomaha rok-śpievaka:
Ty maja cišynia
Ja tvajo nich.ia.
Chto choča paśmiajacca abo paaburacca, čytajcie. Afihiejecie. Takija jany, realnyja, nie susalnyja, a harlivyja, biełarusy madeli 2008. Dzieci Łukašenki. Taty i mamy daloka nie skončanaj historyi Biełarusi.