U Stolinskim rajonie — bujny pažar: haryć 200 hiektaraŭ lesu i suchoj travy FOTA
Na Stolinščynie ratavalniki zmahajucca z bujnym pažaram u ekasistemie, zadziejničana avijacyja Ministerstva pa nadzvyčajnych situacyjach, paviedamlaje 112.by
Ab uzharańni suchoj raślinnaści ŭ bałocistaj miascovaści, lesu la vioski Almany paviedamili leśniki 23 krasavika kala 7.50. Dla likvidacyi pažaru zadziejničany ratavalniki, lashasy, arhanizacyi Stolinskaha rajona.
«Na miescy pracujuć dva Mi-8 avijacyi MNS, viertalotami ažyćcioŭleny 42 skidy vady. Ahulnaja płošča pažaru, projdzienaja ahniom, skłała 200 ha (50 ha — les, 150 ha — suchaja raślinnaść). Zadziejničany bolš za 100 čałaviek, arhanizavany padvoz vady dla zapraŭki usiudychodaŭ, ARS i rancavych vohnietušycielaŭ», — paviedamlaje MNS.
Viadziecca manitorynh stanovišča. Situacyja znachodzicca pad kantrolem, siońnia ranicaj adbyłosia pasiadžeńnie kamisii pa nadzvyčajnych situacyjach pry Stolinskim rajvykankamie.