Na «Słavianskim bazary» ŭviaduć biaźvizavy režym dla zamiežnikaŭ
Zamiežniki, jakija nabuduć kvitki na kancerty «Słavianskaha bazaru ŭ Viciebsku», zmohuć pryjechać u Biełaruś bieź vizy. Pra heta raspavioŭ na bryfinhu dyrektar Mižnarodnaha fiestyvalu mastactvaŭ Hleb Łapicki, paviedamlaje vitvesti.by.
— Rašeńnie pryniata na dniach kiraŭnikom dziaržavy. U lubym mižnarodnym punkcie propusku dastatkova pakazać aformleny naležnym čynam bilet i pašpart. Taki režym budzie dziejničać z 1 pa 20 lipienia, — adznačyŭ Łapicki.
Pa słovach dyrektara forumu, heta lišni dokaz taho, što «Słavianski bazar» — kulturny brend Biełarusi.