Pad Połackam uźbiek pryraŭnavaŭ sužycielku i spaliŭ chatu, u jakoj jana žyła z tryma dziećmi
19 maja ŭ vioscy Pałata pad Połackam zaharełasia chata, paviedamlaje milicyja. U vyniku pažaru ŭ chacie pamieram 7ch6 mietraŭ ahoń źniščyŭ dach, stolevyja pierakryćci i majomaść. Akazałasia, što dom padpaliŭ na hlebie reŭnaści rabočy laśnictva, 29-hadovy hramadzianin Uźbiekistana, paviedamlaje abłasnaja milicyja.
Pryjšoŭšy dadomu i, nie znajšoŭšy tam svajoj 28-hadovaj sužycielki, mužčyna vyrašyŭ spalić siamiejnaje hniazdo, jakoje naležała jaje maci. Dla hetaha jon abliŭ pamiaškańnie bienzinam i padpaliŭ jaho. Zatrymali padpalščyka svajački ŭładalnicy nieruchomaści, jakich mužčyna pa telefonie papiaredziŭ pra svaje namiery.