Tvitar unutranych vojskaŭ MUS zaprašaje biełaruskich milicyjanieraŭ na rabotu ŭ Bransk FOTAFAKT
U tvitary Unutranych vojskach MUS jašče 17 krasavika (ale ŭvahu karystalniki na heta źviarnuli tolki ciapier) źjaviŭsia rekłamny tvit UMUS Rasii pa Branskaj vobłaści ab zaprašeńni na rabotu… supracoŭnikaŭ biełaruskaj milicyi!
Biełarusam abiacajuć «dapamohu pry afarmleńni pierajezda», «słužbovaje žyllo» i «dapamohu ŭ atrymańni adukacyi».
Dla zacikaŭlenych ukazanyja kantakty.
Karystalniki sacsietki ŭžo pačali reahavać na takuju prapanovu rytaryčnym pytańniem, ci treba druhi raz davać prysiahu.
Stanam na 18:45 paniadziełka ŭdakładnić, jakim čynam heta źjaviłasia ŭ aficyjnym tvitary, mahčymaści niama — pres-sakratar unutranych vojskaŭ niedastupny.
Akaŭnt viadziecca Uładzimiram Parchomcavym z 2015 hoda.