U Salihorskim rajonie pasvarylisia dva susiedy: adzin zabity, druhi sprabavaŭ zarezać siabie
19 lipienia ŭ vioscy Vialiki Les Salihorskaha rajona na vulicy znajšli cieła 62-hadovaha žychara Łuninieckaha rajona z prykmietami hvałtoŭnaj śmierci. U zabojstvie padazrajuć 55-hadovaha žychara Łuninieckaha rajona, paviedamlaje Śledčy kamitet.
Pavodle śledstva, abodva mužčyny napiaredadni pryjechali ŭ viosku na svaje dačy. Pamiž susiedziami na vulicy zdaryŭsia kanflikt, padčas jakoha małodšy ŭdzielnik nanios śmiarotnyja ranieńni nažom druhomu.
Paśla zabojstva mužčyna syšoŭ u svaju chatu i pryčyniŭ sabie nažavyja ranieńni. Mužčynu špitalizavali i zaraz jon znachodzicca ŭ reanimacyi, dzie vystaŭleny post achovy.
Zaviali kryminalnuju spravu ab zabojstvie (č. 1 art. 139 Kryminalnaha kodeksa Respubliki Biełaruś).