Biełaruski dypłamat, paranieny ŭčora ŭ Ankary, praapieravany, ale znachodzicca ŭ ciažkim stanie
Miesca napadu
Učora ŭ Ankary pałkoŭnik u adstaŭcy niekalki razoŭ streliŭ u daradcu pa administracyjnych pytańniach pasolstva Biełarusi ŭ Turcyi Alaksandra Pahanšava. Napadnik skončyŭ žyćcio samahubstvam.
Alaksandra Pahanšava dastavili ŭ balnicu, dzie praapieravali, paviedamlaje Tut.by sa spasyłkaj na Hurriyet.
Balnicu, dzie znachodzicca biełaruski dypłamat, naviedaŭ ministr zamiežnych spraŭ Turcyi Mieŭlut Čavušahłu.
«Dypłamata dastavili ŭ balnicu, dzie jamu paśpiachova praviali apieracyju. Ciapier jon znachodzicca ŭ adździaleńni intensiŭnaj terapii, ale ŭžo zaŭtra jaho mohuć pieravieści ŭ zvyčajnuju pałatu», - adznačyŭ jon.
Razam z tym, jak paviedamiŭ BiełTA pres-sakratar MZS Anatol Hłaz, daktary aceńvajuć stan dypłamata jak ciažki.
Kiraŭnik MZS Turcyi taksama skazaŭ, što byŭ z prezidentam Turcyi Redžepam Taipam Erdahanam, kali pastupiła paviedamleńnie ab napadzie. Pavodle jaho słoŭ, prezident Turcyi sočyć za raźvićciom situacyi.
Čavušahłu raspavioŭ žurnalistam, što papiarednija vyniki rasśledavańnia pakazvajuć, što pryčynaj napadu stała svarka pamiž dypłamatam i napadnikam.
«Ja taksama pravioŭ telefonnyja pieramovy z kiraŭnikom MZS Biełarusi Uładzimiram Makiejem, pieradaŭ jamu ŭsiu najaŭnuju infarmacyju», - dadaŭ kiraŭnik MZS Turcyi.