U Biełaviežskaj puščy rekanstrujujuć padvorak staražytnych hiermancaŭ
U nacyjanalnym parku «Biełaviežskaja pušča» pačałasia padrychtoŭka da budaŭnictva druhoj čarhi archieałahičnaha muzieja pad adkrytym niebam, paviedamlaje BiełTA.
Na terytoryi pomnika archieałohii «Kamianiuki-3» buduć adnoŭlenyja staražytnahiermanski padvorak i słavianskaje pasielišča, jakija adnosiacca adpaviedna da II-IV i V-IX stahodździa našaj ery.
Naviedniki zmohuć ubačyć padvorak rudakopa ź piečču dla vypłaŭki žaleza i kuźniaj, kapišča rańnich słavian i słavianskaje žyllo. Na padvorkach možna budzie pabačyć pobyt ramieśnikaŭ - hančara, chlebaroba, kavala, tkača, kraŭca i inš.
Jość ideja pabudavać u adnym z kompleksaŭ archieałahičnaha muzieja pad adkrytym niebam paviljon, dzie buduć vystaŭleny ŭsie samyja cikavyja artefakty, znojdzienyja na terytoryi Biełaviežskaj puščy.
Ahulnaja płošča skansena składzie 18 ha. U pierśpiektyvie turystyčny abjekt budzie ŭklučać siem muziejnych kompleksaŭ, jakija adlustrujuć asablivaści raźvićcia materyjalnaj i duchoŭnaj kultury zachodnich rehijonaŭ Biełarusi ad kamiennaha vieku da Siaredniaviečča.