Mielicinu Staniutu nie puścili na vulicu imia jaje prababuli, jakuju pierakryła «Dana»
Milicyjanierka nie puściła himnastku Mielicinu Staniutu na vulicu, jakaja nazvanaja ŭ honar jaje prababuli — znakamitaj kultavaj akciorki Stefanii Staniuty. Vulica znachodzicca na ŭskrajku Minska na terytoryi katedžnaha pasiołka sierbskaj kampanii «Dana». Pra heta himnastka piša ŭ svaim instahramie.
Staniuta śćviardžaje, što na ŭvachodzie na vulicu, aharodžanuju płotam, milicyjanierka nie puściła himnastku biez dazvołu, spasyłajučysia, što na vulicy idzie niejkaja budoŭla. U kantakt-centry Dana Holdings Staniutu nakiravali ŭ adździeł prodažaŭ, dzie «pajšli padumać i pakłali słuchaŭku».
Pobač ź Cnianskim vadaschoviščam sierbski inviestar pabudavaŭ 14 katedžaŭ, jakija ŭ svabodny prodaž nie pastupali. Padjezd da ich atrymaŭ nazvu «vulica Stefanii Staniuty». Chto žyvie ŭ hetych elitnych katedžach, pakul nieviadoma.
Pasiołak źleva adnosicca da vulicy Stefanii Staniuty. Daroha da jaje schavanaja na karcie lesam. Pasiołak sprava adnosicca da vulicy Kalcova. Spadarožnikavaja karta Jandeksa.