Kupicie radovišča
Abvieščany konkurs pa pieradačy ŭ kancesiju Brynieŭskaha i Astražanskaha radoviščaŭ.
Abvieščany konkurs pa pieradačy ŭ kancesiju Brynieŭskaha i Astražanskaha radoviščaŭ.
Brynieŭskaje radovišča hipsu źmieščana ŭ Pietrykaŭskim rajonie Homielskaj vobłaści. Karysnyja vykapni tamaka — hips i anhidryt. Ahulnyja paćvierdžanyja zapasy hipsaanhidrytavaha kamienia ŭ radoviščy składajuć 381,8 młn t, u tym liku hipsavaha kamienia — 233,2 młn t. Vykapni zalahajuć na hłybini ad 150 do 400 m, tamu hieołahi rekamiendujuć šachtavy mietad zdabyčy.
Rekamiendavany hadavy abjom ich zdabyčy składaje 1 młn t.
Hips najbolš vykarystoŭvajecca dla vyrabu budmateryjałaŭ, u pryvatnaści cemientu.
Astražanskaje radovišča bientanitavych hlinaŭ mieścicca ŭ Lelčyckim rajonie Homielskaj vobłaści. Pramysłovyja zapasy bientanitavych hlinaŭ tut składaje 12,3 młn t. Zalahajuć jany niehłyboka, tamu zdabyvać ich majuć adkrytym sposabam. Rekamiendavany hadavy abjom zdabyčy — nie mienš za 110 tys. t. Bientanitavyja hliny idealnyja ŭ jakaści farmovačnaje syraviny ŭ liciejnaj vytvorčaści.
Tak što ŭ ahladnaj budučyni ŭ Biełarusi budzie jašče adzin šachciorski kraj.
Sioleta maje być taksama arhanizavany tender na asvajeńnie dvuch radoviščaŭ žaleznych rudaŭ — Navasiołkaŭskaha i Akołaŭskaha, jakija pašyrać pieralik syraviny, jakoj zabiaśpiečanaja kraina.
Inviestycyjnyja prapanovy prymajucca pa adrasie: 220048, Minsk, vulica Kalektarnaja,10, p. 535 da 10.00 3 žniŭnia 2009 hodu.