U Minsku adbyłasia prezientacyja pieršaj «Encykłapiedyi biełaruskaj kuchni»
720‑staronkavaje ilustravanaje vydańnie vypuščana staličnym vydaviectvam «Biełaruskaja encykłapiedyja» nakładam 3,5 tys. asobnikaŭ. Nievialikaja častka nakładu knihi vyjšła ŭ darahim skuranym pieraplocie z kieramičnaj ustaŭkaj.
Prezientacyja pieršaj «Encykłapiedyi biełaruskaj kuchni» prajšła 11 lutaha ŭ nacyjanalnym vystavačnym centry «Biełekspa» ŭ miežach XVI Minskaj mižnarodnaj knižnaj vystavy‑kirmašu.
720‑staronkavaje bahata ilustravanaje vydańnie vypuščana staličnym vydaviectvam «Biełaruskaja encykłapiedyja imia Pietrusia Broŭki» nakładam 3,5 tys. asobnikaŭ. Nievialikaja častka nakładu knihi vyjšła ŭ darahim skuranym pieraplocie z kieramičnaj ustaŭkaj.
U knihu, pryśviečanuju tradycyjnaj biełaruskaj kuchni,
uklučany roznyja histaryčnyja i kulturałahičnyja materyjały pa historyi charčavańnia dla pradstaŭnikoŭ usich sacyjalnych płastoŭ i kanfiesij, jakija žyli na terytoryi krainy sa staradaŭnich časoŭ da sučasnaści.Značnaje miesca addadziena kuchni narodaŭ, jakija na praciahu stahodździaŭ nasialajuć Biełaruś i zrabili vialiki ŭpłyŭ na nacyjanalnuju kuchniu biełarusaŭ.
U vydańni apaviadajecca pra tradycyjnyja biełaruskija stravy, napoi, syravinu i kampanienty, pradukty charčavańnia, śpiecyi i prypravy, posud i zastolny etykiet biełarusaŭ, śviaty i abrady, padadzieny technałohija i recepty pryhatavańnia ježy i napojaŭ.
Encykłapiedyja źjaŭlajecca pieršym u historyi nacyjanalnaj kultury halinovym navukova‑daviedačnym vydańniem, pryśviečanym raźvićciu biełaruskaj kulinaryi i hastranomii.
U intervju BiełaPAN inicyjatar stvareńnia knihi i adzin ź jaje aŭtaraŭ doktar histaryčnych navuk Aleś Bieły zaznačyŭ, što ŭ vydańni pakazany roznyja aśpiekty kultury charčavańnia biełarusaŭ, u tym liku etnahrafičny i dyjetałahičny.
Jak ličyć vučony, kniha dapamoža ŭstanaŭleńniu suviaziej pamiž roznymi śpiecyjalistami, u tym liku historykami i etnohrafami, bijołahami, kulinarami i dyjetołahami, mieniedžerami restarannaha i turystyčnaha biźniesu. «Technołahi‑kulinary nie viedajuć bazavych faktaŭ ź minułaha biełaruskaj kultury i historyi nacyjanalnaha charčavańnia, tamu što vychoŭvalisia na savieckich tradycyjach», — zaznačyŭ A.Bieły.
Historyk nazvaŭ vydańnie častkaj svajho metavaha prajekta «Naša kraina», nad jakim jon pracuje 10 hadoŭ.
20 lutaha adbudziecca prezientacyja knihi ŭ siadzibie «Marcinova huś» u vioscy Małaja Lucynka Vałožynskaha rajona Minskaj vobłaści, raźmieščanaj na terytoryi Nalibockaj puščy.