16 lutaha pačynajecca vizit delehacyi PARIE u Biełaruś
16—19 lutaha adbudziecca vizit u Biełaruś delehacyi Parłamienckaj asamblei Rady Jeŭropy (PARIE).
Jak paviedamlaje pres‑słužba PARIE, delehacyju ŭznačalvaje staršynia Palityčnaha kamiteta asamblei Horan Lindbład. U jaje składzie staršynia padkamiteta PARIE pa Biełarusi Sinika Churskajnien i dakładčyk Parłamienckaj asamblei pa situacyi ŭ Biełarusi Andrea Ryhoni.
Jeŭrapiejskija palityki majuć namier abmierkavać ź biełaruskimi ŭładami pierśpiektyvy dalejšaha dyjałohu z Radaj Jeŭropy i PARIE ŭ halinie demakratyi, pravoŭ čałavieka i viaršenstva zakona.
U chodzie vizitu adbuducca sustrečy pradstaŭnikoŭ jeŭrastruktury sa staršyniami abiedźviuch pałat Nacyjanalnaha schodu Biełarusi, kiraŭnictva Administracyi prezidenta, ministerstvaŭ zamiežnych spraŭ, justycyi, infarmacyi i adukacyi, hienieralnym prakuroram, staršyniami Viarchoŭnaha i Kanstytucyjnaha sudoŭ.
Zapłanavanyja taksama sustrečy z pradstaŭnikami apazicyi i hramadzianskaj i mižnarodnaj supolnaści.
Pradstaŭniki PARIE naviedajuć budučy infarmacyjny centr Rady Jeŭropy ŭ Biełaruskim dziaržaŭnym univiersitecie ŭ Minsku.