Viecier pierakuliŭ pałatku kala «Barysaŭ-Areny»: jość paciarpiełyja
5 čałaviek paciarpieli ŭ Barysavie paśla taho, jak kala spartyŭnaj areny pieraviarnułasia pałatka padčas śviatkavańnia «Dažynak».
Miedyki akazali dapamohu piaciarym paciarpiełym u vyniku pierakulvańnia pałatki, paviedamlaje Ministerstva achovy zdaroŭja.
«Paciarpieli piać čałaviek. Dvoje ź pierałomami nakiravany ŭ RNPC traŭmatałohii i artapiedyi. Jašče dvoje — u Barysaŭskuju CRB. Akramia taho, adnu paciarpiełuju paśla akazańnia miedycynskaj dapamohi na miescy adpravili na ambułatornaje lačeńnie», — adznačyła pres-sakratarka Ministerstva achovy zdaroŭja.