Piaskoŭ: Pra pierajemnika Pucina ŭ Kramli «nichto nie dumaje»
Da zaviaršeńnia terminu paŭnamoctvaŭ Uładzimira Pucina ŭ jakaści prezidenta jašče dosyć doŭha, tamu pra jaho mahčymaha pierajemnika ŭ Kramli pakul nichto nie dumaje. Pra heta zajaviŭ žurnalistam pres-sakratar rasijskaha lidara Dźmitryj Piaskoŭ, piša TASS.
«Da prezidenckich vybaraŭ jašče daloka, my znachodzimsia ŭ pačatkovaj stadyi prezidenckaha cykłu, — skazaŭ jon. — Tamu ciapier pra heta [mahčymaha pierajemnika] nichto nie dumaje, ciapier usie zajmajucca napružanaj pracaj».
Tak pradstaŭnik Kramla prakamientavaŭ słovy televiadučaha Dźmitryja Kisialova pra toje, što Pucin nibyta pastajanna zajmajecca pošukam mahčymaha pierajemnika.