Vyratavanyja na biełaruskaj miažy tyhry adpraviacca ŭ śpiecyjalizavany prytułak u Ispanii
U pieršy dzień zimy piaciora vyratavanych tyhraŭ adpraviacca ŭ śpiecyjalizavany prytułak u Ispanii. Jašče dźvie žyvioły zastajucca ŭ Poznańskim zaaparku, piša Briestskaja hazieta.
Samyja vysokija słužbovyja asoby horada Poznań 29 listapada raźvitalisia ź piaćciu vyratavanymi pad biełaruskaj miažoj tyhrami.
Zranku 1 śniežnia žyvioły adpraviacca ŭ śpiecyjalizavany prytułak u Ispanii. Chvastatych padarožnikaŭ buduć supravadžać śpiecyjalisty, pieravozka budzie ažyćciaŭlacca ŭ maksimalna kamfortnych umovach.
Jašče dva tyhry zastajucca ŭ Poznańskim zaaparku. Hoch pavolna adnaŭlajecca paśla apieracyi na straŭnikava-kišačnym trakcie.
«My ŭsio jašče nie možam skazać, što Hoch — u dobrym stanie, my da hetaha času zaniepakojenyja, tamu što jaho arhanizm mocna nadarvany. Stolki času, jak jon pravioŭ u hruzaviku biez vady abo ježy — heta zabojstva dla kacinych piečani i nyrak», — paviedamlaŭ 28 listapada zaapark na aficyjnaj staroncy.
Pa słovach supracoŭnikaŭ, Hoch — dobry pacyjent, jon pakorliva prymaje nieabchodnyja leki, ale jon usio jašče na miažy žyćcia i śmierci. Supracoŭniki da hetaha času nie viedajuć, ci pracujuć jaho stravavalnaja sistema i straŭnik.
Tavaryš Hocha — Kan — taksama zastajecca ŭ Poznani. U jaho artapiedyčnyja prablemy.
Tyhry Maksimus i Fieniks, jakija znachodziacca ŭ pryvatnym zaaparku ŭ Čłuchavie, adčuvajuć siabie dobra — dla ich stvoranyja vydatnyja ŭmovy, jany adnaŭlajucca.