U Kazachstanie raźbiŭsia pasažyrski samalot, častka pasažyraŭ vyžyła
abnoŭlena
Samalot avijakampanii Bek Air upaŭ za miežami aeradroma Ałmaty, jość žyvyja. Pra heta paviedamlaje tut.by sa spasyłkaj na pres-słužbu aeraporta.
Fota: inform.kz
«Bort avijakampanii Biek Ejr paciarpieŭ krušeńnie za miežami aeradroma. Jość žyvyja. Na miescy pracujuć ekstrannyja słužby», - havorycca ŭ paviedamleńni avijakampanii.
Fota: inform.kz
Pavodle jaje źviestak, na borcie rejsa 2100 Ałmaty—Nur-Sułtan avijakampanii «Biek Ejr», było 95 pasažyraŭ, 5 členaŭ ekipaža.
«Siońnia 27 śniežnia 2019 hoda ŭ 07.22 rejs №Z2100 avijakampanii «Bek Ejr» z Ałmaty ŭ Nur-Sułtan pry ŭźlocie straciŭ vyšyniu i prabiŭ bietonnuju aharodžu. Adbyłosia sutyknieńnie z dvuchpaviarchovym budynkam», - paviedamili ŭ Kamitecie hramadzianskaj avijacyi Kazachstana.
U MUS Kazachstana paviedamili, što samalot upaŭ u rajonie žyłoha siektara, viadziecca evakuacyja.
Zahinuli 14 čałaviek, paciarpiełych 35, u tym liku 8 dziaciej.
U siecivie vidavočcy stali publikavać videa ź miesca trahiedyi.