U NCHŁ upieršyniu za šeść hadoŭ šajbu zakinuŭ bramnik. Praz usiu placoŭku VIDEA
Bramnik «Nešvił Predatars» Pieka Rynie zakinuŭ piatuju šajbu ŭ varoty «Čykaha Błekchoŭks» u matčy rehularnaha čempijanatu Nacyjanalnaj chakiejnaj lihi. Videazapis źjaviŭsia na YouTube-kanale Sportsnet.
Rynie ŭ kancy treciaha pieryjadu pryniaŭ šajbu za svaimi varotami, pryceliŭsia i praz usiu placoŭku adpraviŭ jaje ŭ sietku varot supiernika, zrabiŭšy lik 5:2. Fin staŭ pieršym za bolš čym šeść hadoŭ bramnikam, što adznačyŭsia hołam u matčy NCHŁ. Usiaho ž heta ŭdavałasia zrabić jašče 11 hałkipieram.
Padčas łakaŭtu ŭ NCHŁ Rynie ŭ siezonie 2012/2013 hadoŭ hulaŭ za minskaje «Dynama», pravioŭ za biełaruski kłub 22 matčy.