Iranski hienierał: Apieratar nie zdoleŭ źviazacca z kamandavańniem i vyrašyŭ źbić «Boinh»
Apieratar supraćpavietranaj abarony Irana samastojna vyrašyŭ vypuścić rakietu pa samalocie MAU, jaki jon pryniaŭ za varožy abjekt, nie zdoleŭšy źviazacca z kamandavańniem. Pra heta paviedamiŭ iranskim ŚMI kamandzir Vajenna-kaśmičnych siłaŭ Korpusa vartavych isłamskaj revalucyi hienierał Amir-Ali Chadžyzade.
Amir-Ali Chadžyzade.
«Albo spracavała sistema pieraškod, albo sietka była zaniataja, ale jon nie zmoh źviazacca. U jaho była mahčymaść pryniać rašeńnie na praciahu piaci siekund. Na žal, jon pryniaŭ niapravilnaje rašeńnie i zapuściŭ rakietu», — skazaŭ Chadžyzade.
Sistema supraćpavietranaj abarony Irana pryniała pasažyrski samalot za kryłatuju rakietu, paviedamiŭ jon.