Eks-trenier BATE Alaksiej Baha znajšoŭ novy kłub. Vybar vielmi simvaličny
Fota Nadziei Bužan
Biełaruski śpiecyjalist Alaksiej Baha uznačaliŭ «Žalhirys» ź Vilni.
Pahadnieńnie z byłym nastaŭnikam BATE raźličana na hod z mahčymaściu padaŭžeńnia jašče na hod, adznačaje pres-słužba litoŭskaha kłuba.
Dapamahać Bahu budzie biełaruski śpiecyjalist Valery Tarasienka.
«Žalhirys» u pierakładzie ź litoŭskaj «Hrunvald». U 1980-ch kłub dastojna hladzieŭsia ŭ čempijanacie SSSR, u 1987-m navat finišavaŭ trecim.
Siamirazovy čempijon Litvy. Praŭda, apošni raz braŭ pieršaje miesca ŭ 2016-m. Paśla try razy čempijanat Litvy vyjhravała «Suduva». Vilenčuki ŭ minułym hodzie zaniali 2-je miesca i buduć udzielničać u kvalifikacyi Lihi Jeŭropy.
Baha uznačaliŭ BATE letam 2018 hoda. Tady kamanda vyjhrała čempijanat i hulała ŭ hrupie Lihi Jeŭropy i vyjšaŭ u 1/16 finału. Ale ŭ minułym siezonie barysaŭskaja kamanda pad jaho kiraŭnictvam zaniała druhoje miesca ŭ čempijanacie Biełarusi i nie prabiłasia ŭ hrupavy turnir Lihi Jeŭropy.