U Starych Darohach DAI zatrymała kiroŭcu z 3,6 pramile. Na jaho paskardziłasia žonka
U subotu ŭ 18:20 u apieratyŭna-dziažurnuju słužbu Staradarožskaha RAUS patelefanavała žančyna i paviedamiła, što jaje muž u stanie ałkaholnaha apjanieńnia źbirajecca sieści za rul svajho «Forda Mandea», paviedamlaje pres-sakratar MUS Volha Čamadanava ŭ svaim telehram-kanale.
Supracoŭniki DAI zaŭvažyli aŭto na vuł. Armiejskaj. Uklučyŭšy probliskavyja majački, inśpiektary DPS padjechali da jaho. Kiroŭca pačaŭ ruch, ale nieŭzabavie spyniŭsia.
U chodzie razboru było ŭstanoŭlena, što za rulom znachodziŭsia 36-hadovy mužčyna. Pry nabližeńni supracoŭnikaŭ DAI jon pieralez na piaredniaje pasažyrskaje siadzieńnie.
Kancentracyja paroŭ u vydychanym im pavietry skłała 3,6 pramile. U dačynieńni da mužčyny składzieny administracyjny pratakoł za kiravańnie transpartnym srodkam u stanie ałkaholnaha apjanieńnia.