Połacki aktyvist Aleś Krutkin atrymaŭ 15 sutak za ŭdzieł u akcyi suprać «pahłyblenaj intehracyi»
Aleś Krutkin, fota z fejsbuka
Aktyvisty kampanii «Jeŭrapiejskaja Biełaruś» Aleś Krutkin i Natalla Śpirydonava byli zatrymanyja ŭ Viciebsku 27 studzienia. Ich dastavili ŭ RAUS Kastryčnickaha rajona, dzie abvinavacili ŭ rasklejcy ŭlotak, što źjavilisia raniej u centry horada, paviedamlaje spring96.org.
Natallu Śpirydonavu vyzvalili praz try hadziny pad padpisku ŭ suviazi z tym, što ŭ jaje na ŭtrymańni znachodzicca maci-invalid. Krutkina paśla afarmleńnia pratakoła adpravili ŭ izalatar.
Alesia Krutkina advieźli ŭ Połack, dzie sudzili za ŭdzieł u akcyi ŭ Minsku 20 śniežnia. U vyniku hramadski aktyvist atrymaŭ 15 sutak za ŭdzieł u toj akcyi. Sud prajšoŭ u sudzie Połackaha rajona ŭ zakrytym režymie.