U Kitai nie zastałosia nie zaražanych virusam pravincyj. Jon dabraŭsia navat da Tybieta
Pieršy paćvierdžany vypadak zaražeńnia čałavieka novym typam karanavirusa 2019-nCoV zafiksavali ŭ Tybieckim aŭtanomnym rajonie Kitaja.
Śćviardžajecca, što virus prabraŭsia va ŭsie rehijony krainy, uklučajučy pravincyi, aŭtanomnyja i śpiecyjalnyja administracyjnyja rajony i harady centralnaha padparadkavańnia.
Pa stanie na apoŭnač 30 studzienia kolkaść zahinułych ad karanavirusa ŭ Kitai vyrasła da 170, a kolkaść infikavanych pieravysiła 7,7 tysiačy. Całkam spravicca z chvarobaj atrymałasia 170 pacyjentam, jany ŭžo vypisanyja.
Akramia KNR vypadki zaražeńnia zafiksavanyja ŭ Japonii, Paŭdniovaj Karei, Tajłandzie, ZŠA, Hiermanii, Aŭstralii, Finlandyi i Francyi.