ANT zdymaje sieryjał pra pryhody na zapraŭcy — «Načnaja źmiena»
Telekanał ANT pačaŭ zdymać ułasny telesieryjał pra pryhody na zapraŭcy.
Pra heta «Našaj Nivie» paviedamiŭ kiraŭnik kanała Marat Markaŭ.
Sa słovaŭ Markava, piłotnaja sieryja ŭžo hatovaja, sieryjał budzie nazyvajecca «Načnaja źmiena», u im buduć pakazanyja i abyhranyja zamaloŭki z žyćcia sučasnych biełarusaŭ. Dziejańnie adbyvajecca na aŭtazapraŭcy.
Biudžet pakul nie nazyvajecca, ale, maŭlaŭ, jon nievialiki i składajecca z ułasnych srodkaŭ, data vychadu pieršaha siezona pakul taksama nieviadomaja.
Biełaruskaj movy ŭ piłotnaj sieryi niama.
Heta redki vypadak, kali biełaruski telekanał ułasnymi siłami sprabuje stvaryć sieryjał.
Zvyčajnaja situacyja ź sieryjałami ŭ Biełarusi — heta kali na zamovu rasijskich kampanij «Biełaruśfilm» stvaraje niejki druhasny pradukt, u jakim ź biełaruskaha tolki dekaracyi i artysty ŭ rolach druhoha płana.