Adnahrupnikam iranca, u katoraha vyjavili karanavirus, z dekanata pačali zvanić a 4-j ranicy
«Mianie razbudzili, kažuć, ty, chvory, źbirajsia», — piša student BNTU Andrej.
Siońnia ranicaj jaho i jašče niekalki adnahrupnikaŭ iranca, u jakoha vyjavili karanavirus, adpraŭlajuć na abśledavańnie ŭ Baraŭlany.
Sami studenty, jakich adpravili na abśledavańnie, pakul ad kamientaroŭ admaŭlajucca. Praŭda, niekatoryja prosiać padpisacca na ich u instahramie, maŭlaŭ, tam zapuściać pramy efir.
U studenckich čatach źjaŭlajecca infarmacyja pra toje, što ź internataŭ nie vypuskajuć studentaŭ.
Adnak dziažurnyja ŭ internatach infarmacyju nie paćviardžajuć.
Adkazvajuć pa telefonie: «U nas usio dobra». I kidajuć słuchaŭku.
Siońnia pavinna była adbycca viečaryna «Ja student BNTU», adnak, pa słovach studentaŭ, jaje admianili.
«Siońnia nichto z nas nie pajšoŭ na pary, tut užo nie da viečarynki», — adkazvaje Jaŭhien, adzin sa studentaŭ BNTU.