Nieparadny hieroj biełaruskaj atamanščyny
Dziejnaść našaha hieroja była zakanśpiravanaja i źviazanaja sa śfierami zacikaŭlenaści vyviedak i kontrvyviedak. Nina Stužynskaja atrymała novyja dakumienty pra atamana Ksianieviča-Hrača, kiraŭnika Hałoŭnaha štabu partyzanskich adździełaŭ «Zialonaha duba».
Dziejnaść našaha hieroja była zakanśpiravanaja i źviazanaja sa śfierami zacikaŭlenaści vyviedak i kontrvyviedak. Nina Stužynskaja atrymała novyja dakumienty pra atamana Ksianieviča-Hrača, kiraŭnika Hałoŭnaha štabu partyzanskich adździełaŭ «Zialonaha duba».
U śpiecschoviščy KDB RB mnie paščaściła patrymać u rukach kryminalnuju spravu pa abvinavačańni U. F. Ksianieviča-Hrača, kiraŭnika Hałoŭnaha štaba partyzanskich adździełaŭ «Zialonaha duba». Hetuju, tak by mović, pieršuju častku jaho žyćciapisu skłali tut, u Minsku, viadomyja biełaruskija čekisty. Spadar Kajukoŭ u svaju čarhu dasłaŭ mnie kopiju śledčaj spravy № 10 613 pa abvinavačańni Ksianieviča U. F. pa art. 58-6 KK RSFSR. Heta byŭ vynik udarnaj pracy supracoŭnikaŭ Balejskaha rajonnaha adździeła UNKUS pa Čycinskaj vobłaści. Takim čynam, nie prajšło i dziesiaci hadoŭ, jak znajšłasia krynica z adlustravańniem finalnaj častki žyćcia majho hieroja. Jak kažuć, zrasłosia.
Abiedźvie spravy majuć adnolkavy vynik — prysud da vyšejšaj miery pakarańnia, rasstrełu. Ale ŭ 1925 h. padsudny zmoh jaho paźbiehnuć, zapłaciŭšy vielmi darahuju canu za pamiłavańnie. Drama šefa štaba «Zialonaha duba» była temaj šerahu hučnych hazietnych publikacyj u BSSR na praciahu 1925—1926 hh. Krynicaŭ, jak bačym, niašmat, tamu što dziejnaść našaha hieroja była zakanśpiravanaja i źviazanaja sa śfierami zacikaŭlenaści vyviedak i kontrvyviedak. Hety momant padkreślivaju asobna dla amataraŭ «čyścini žanru» i nia zdolnych da abjektyŭnaj dobrazyčlivaj krytyki. Navat ciapier materyjały takich historyjaŭ ciažka adšukać.
Piša Nina Stužynskaja, daśledčyca biełaruskaj partyzanki 1920-ch, u časopisie «Arche».