Minzdaroŭja: U Biełarusi zafiksavany 81 vypadak karanavirusa
Na siońniašni dzień u Biełarusi praviedziena bolš za 21 tys. testaŭ na COVID-19. Testavańnie pravodzicca z 23 studzienia. Minzdaroŭja nahadvaje, što Biełaruś uvajšła ŭ top-10 krain śvietu z najbolšaj kolkaściu vykananych testaŭ na karanavirus.
Na siońniašni dzień užo vypisany abo rychtujucca da vypiski 22 pacyjenty. Raniej u ich test na COVID-19 daŭ stanoŭčy vynik, paśla praviedzienaha lačeńnia testy — admoŭny. Jašče 59 znachodziacca pad miedycynskim kantrolem i na lačeńni, paviedamlaje Minzdaroŭja.