Letnija Alimpijskija hulni adkłali na 2021 hod
Alimpijskija hulni ŭ Japonii, što mielisia prajści ŭ lipieni-žniŭni 2020 hoda, adkłali na leta 2021, pieradaje Reuters.
Hetaje rašeńnie było pryniata padčas pieramovaŭ premjer-ministra Japonii Sindza Abe i prezidenta MAK Tomasa Bacha. Pieršapačatkova ź inicyjatyvaj pra pieranos vystupaŭ mienavita kiraŭnik japonskaha ŭrada.
«Z ulikam ciapierašniaj situacyi, my prapanavali razhledzieć mahčymaść pieranieści Hulni na hod. Prezident Bach na 100% padtrymaŭ hetuju ideju. My damovilisia, što Alimpijada pavinna prajści nie paźniej za leta 2021 hoda», — pryvodzić słovy Abe TASS.
Pa dadzienych NHK, paśla hetaj razmovy pavinna prajści pazačarhovaje pasiadžeńnie vykankama MAK pa pytańni dalejšaha losu spabornictvaŭ.