Tysiačy žycharoŭ rasijskaha Uładzikaŭkaza pratestavali suprać režymu samaizalacyi
Tysiačy čałaviek vyjšli ŭ paniadziełak, 20 krasavika, na niesankcyjanavanuju akcyju ŭ centry stalicy Paŭnočnaj Asiecii Uładzikaŭkaza, pratestujučy suprać abmiežavańniaŭ, uviedzienych u suviazi z raspaŭsiudžvańniem karanavirusa SARS-CoV-2.
Udzielnikam akcyi prapanavali sfarmavać inicyjatyŭnuju hrupu dla praciahu pieramoŭ u Domie ŭrada, paśla čaho prysutnyja prystupili da abrańnia delehataŭ dla pieramoŭ.
Pa infarmacyi «MBCH miedia», na narodny schod vyjšli kala 2000 demanstrantaŭ, zatrymali kala 40 čałaviek. Siłaviki zabaraniajuć prysutnym, u tym liku žurnalistam, rabić videazapisy, prymušajučy vydalać užo źniaty materyjał.
Pa patrabavańni pratestoŭcaŭ da ich vyjšła niekalki členaŭ respublikanskaha ŭrada, a taksama kiraŭnik Paŭnočnaj Asiecii Viačasłaŭ Bitaraŭ, jaki zajaviŭ, što «lačeńnie adno — siadzieć doma». Demanstranty aśvistali kiraŭnika respubliki.
Žychary Uładzikaŭkaza vystupajuć suprać režymu samaizalacyi, skardziacca na stratu pracy, niedastatkovaje infarmavańnie pra situacyju z karanavirusam.