Dzie pamiać pra achviary?
z pošty Redakcyi
Kali zabili haŭlajtera Kube, u Minsku rasstralali bolš za čatyry tysiačy nasielnictva. Ačapili try vulicy i źniščyli. Dyk voś, dzie jość pamiać ab hetych achviarach? Nivodnaha pomnika i słova pra heta.
Da vajny ŭ Minsku žyła kala 250 000 nasielnictva. U vyzvalenym Minsku zastałosia 37 000. U evakuacyju źjechała niedzie 5%. Kudy dzielisia astatnija nasielniki?
Ja naradziŭsia ŭ 1931 hodzie. Naša siamja ŭ Minsku žyvie z 1935 hodu. Pražyli ŭsiu akupacyju ŭ Minsku na vulicy Cnianskaj. Ja ŭžo byŭ padletak, dobra pamiataju tyja časy.
U Minsku zachopniki ŭstanavili takija praviły — za niamieckaha zabitaha sałdata zabivali 10 žycharoŭ, za aficera — 100 žycharoŭ.
Kali zabili haŭlajtera Kube, u Minsku rasstralali bolš za čatyry tysiačy nasielnictva. Ačapili try vulicy i źniščyli. Dyk voś, dzie jość pamiać ab hetych achviarach? Nivodnaha pomnika i słova pra heta.Tak, jość pomniki hierojam vajny, ab hetym pišacca. Pišacca ab achviarach hieta. Da vajny Minsk mieŭ 45% nasielnictva habrejaŭ. U Minsku zahinuła kala 200 000. Pałova — habrei ŭ hieta, pałova — astatnija takija ž nasielniki Minsku: staryja, dzieci, žančyny. Dzie pamiać ab hetym? Ja źviartaŭsia z hetym pytańniem u aficyjnyja haziety, na telebačańnie. Maŭčać. Čamu maŭčać? Prosta dziŭna. U hetym hodzie 65 hadoŭ vyzvaleńnia Biełarusi.
Para pra hetyja achviary i skazać.