Novy kiraŭnik u BDT-2
Režysior Ryd Talipaŭ staŭ novym mastackim kiraŭnikom Nacyjanalnaha akademičnaha dramatyčnaha teatra imia Jakuba Kołasa ŭ Viciebsku.
Jak paviedamili BiełaPAN u teatry, novaha mastackaha kiraŭnika kalektyvu pradstaviŭ 31 sakavika namieśnik ministra kultury Uładzimir Ryłatka.
Raniej mastackim kiraŭnikom Kołasaŭskaha teatra byŭ Vital Barkoŭski — zasłužany dziejač mastactvaŭ Biełarusi, łaŭreat premii «Za duchoŭnaje adradžeńnie» i mnohich mižnarodnych teatralnych fiestyvalaŭ.
Ryd Talipaŭ — uładalnik Hran‑pry mižnarodnych teatralnych fiestyvalaŭ u Biełarusi, Aŭstryi i Hiermanii, łaŭreat śpiecyjalnaj premii prezidenta Biełarusi za vysokija dasiahnieńni ŭ teatralnaj halinie.
Uznaharodžany miedalom imia Fiodara Ciutčava ŭradam Rasii za teatralnuju pastanoŭku ŭ Branskim abłasnym dramatyčnym teatry imia Alaksieja Tałstoha. Vykładaje majsterstva akciora ŭ Biełaruskaj dziaržaŭnaj akademii mastactvaŭ.
Jaho pastanoŭki iduć u mnohich teatrach Biełarusi, Rasii, Aŭstryi, Polščy, Słavienii, Hiermanii. U viciebskim dramteatry R.Talipaŭ pastaviŭ śpiektakli «Kaciaryna Ivanaŭna» pavodle Leanida Andrejeva (2001) i «Vasa» pavodle Maksima Horkaha (2007).