U Francyi stvorana Asacyjacyja ŭ padtrymku achviar čarnobylskaj katastrofy
Asacyjacyja ŭ padtrymku likvidataraŭ i achviar čarnobylskaj katastrofy zarehistravana ŭ meryi francuzskaha horada Linholschiejm, što raźmieščany ŭ navakollach Strasburha (Francyja).
Jak paviedamiŭ BiełaPAN były rektar Homielskaha dziaržaŭnaha miedinstytuta, prafiesar Juryj Bandažeŭski, asacyjacyju ŭznačalvaje francužanka Katryn Fuks. Asacyjacyja stała pieršaj mižnarodnaj hramadskaj śpiecyjalizavanaj arhanizacyjaj, jakaja budzie zajmacca prablemami likvidataraŭ i achviar katastrofy na Čarnobylskaj AES. «Havorka idzie pra lačeńnie i azdaraŭleńnie hetych katehoryj nasielnictva, a taksama pra zabieśpiačeńnie ich nieabchodnymi resursami», — skazaŭ Bandažeŭski.
U najbližejšyja dni vučony maje namier sustrecca z pradstaŭnikami asacyjacyi i abmierkavać prahramu pieršačarhovych mier dla akazańnia dapamohi likvidataram i ludziam, jakija žyvuć na postčarnobylskich terytoryjach.
Varta zaznačyć, što niadaŭna Bandažeŭski pierajechaŭ ź Litvy va Ukrainu, dzie zajmajecca realizacyjaj prajekta pa stvareńni Mižnarodnaha centra ekałohii i zdaroŭja, padtrymanaha Jeŭraparłamientam.Aprača taho, biełaruski vučony pry padtrymcy francuzskich jurystaŭ zajmajecca arhanizacyjaj mižnarodnaha sindykata pa akazańni pravavoj dapamohi likvidataram avaryj na atamnych elektrastancyjach. Sindykat abjadnaje nacyjanalnyja struktury ŭdzielnikaŭ likvidacyi katastrofy.