CVK: Chaj Babaryka asabista abskardžvaje admovu ŭ rehistracyi
Fota Siarhieja Hudzilina
CVK paviedamlaje, što ŭ adras kamisii pastupajuć šmatlikija zvaroty sa skarhami na admovy ŭ rehistracyi kandydatami ŭ prezidenty Biełarusi Viktara Babaryki i Valeryja Capkały.
Centvybarkam u svaim adkazie zaznačaje, što prava na abskardžańnie admovaŭ u rehistracyi majuć tolki asoby, jakija vyłučalisia ŭ kandydaty ŭ prezidenty.
CVK taksama nie budzie nakiroŭvać u śledčyja orhany zvarot ab źmienie miery strymańnia asobam, pryznanym palitviaźniami, pakolki nie mohuć umiešvacca ŭ dziejnaść pravaachoŭnych orhanaŭ.
CVK padkreślivaje, što nie mohuć rehulavać paŭnamoctvy naziralnikaŭ, prapanovy pa jakich utrymlivalisia ŭ zvarotach, pakolki jany zamacavanyja ŭ zakanadaŭstvie, a ŭviadzieńnie novych praviłaŭ patrabuje karekciroŭki Vybarčaha kodeksa.
Što da zaprašeńnia mižnarodnych arhanizacyj dla praviadzieńnia ekzit-połaŭ, u adkazie havorycca, što dla ich pracy nie patrabujecca zaprašeńnie ad CVK. Sacapytańni, źviazanyja z vybarami, mohuć pravodzić arhanizacyi, u jakich jość akredytacyja kamisii pa apytańniach hramadskaj dumki pry Akademii navuk.