Čarhovaja achviara płoščy Bahuševiča — zrabili transpartnaje koła, a matacyklist palacieŭ naprastki
Ranicaj 18 lipienia na płoščy Franciška Bahuševiča ŭ Minsku zahinuŭ 37-hadovy matacyklist.
U 3:40 jon jechaŭ na svajoj «Chondzie» pa vulicy Niamiha ad centra horada ŭ bok praśpiekta Dziaržynskaha i nie daŭ rady kiravańniu. Matacykł najechaŭ na bardziur, kiroŭcu vykinuła. Jon pamior na miescy DTZ.
Doŭhija hady płošča Bahuševiča była padzielenaja na dva paŭkoły praśpiektam Dziaržynskaha. Adnak ciapier DAI vyrašyła zrabić paŭnavartasnaje koła, a centralnuju častku płoščy zasypali ziamloj. Vyhladaje, što matacyklist nie ŭličyŭ novaŭviadzieńni.