Šaniec dla maładych muzykaŭ
Šaniec dla maładych muzykaŭ: letniaja składanka ad Studfarmatu i Biełaruskaj Muzyčnaj Alternatyvy.
Vydańnie muzyki na dysku — mara dla kožnaha maładoha hurta, i apošnim časam takich mahčymaściaŭ dla kalektyvaŭ usio bolš. U Miensku rychtujecca novaja muzyčnaja składanka pazityŭnaj i eksperymentalnaj muzyki, da ŭdziełu ŭ jakoj zaprašajucca ŭsie achvotnyja dy ambitnyja.
Takija salanki — nie navina ŭ biełaruskaj muzycy, ale ciapier arhanizatary metaskiravana žadajuć adšukać novyja talenty j zorki kvaternikaŭ i vystupaŭ u pabach. Možna čakać, što jany vas znojduć, a možna dasłać svoj zapis na poštu. Patrabavańni da stylu tvorčaści davoli šyrokija: muzyka maje być pazityŭnaj i nia vielmi ciažkaj, a pieśni majuć vykonvacca na biełaruskaj movie. Rok, ska, rehhi, lubyja eksperymenty vitajucca.
Pradusara dla siabie znajści ciažka, ale jakomu muzyku lohka ŭ Biełarusi? Zaraz vyjści ŭ śviet vam dapamohuć StudFarmat i BMA. Zapisy i infarmacyju pra siabie možna dasyłać na poštu studfarmat@gmail.com da 5 traŭnia.
Pa dadatkovuju infarmacyju źviartajciesia pa teł. 1500435 abo 6490888
Kružełka ź viasnovym nastrojem
Adźvinieli saluty nad studenckaj vystavaj UnReal Student Life 2009 (http://studfarmat.org/), što dva tydni nie davała staličnaj moładzi spakoju ŭ Muziei historyi biełaruskaha kino. Arhanizaraty krychu pryviali ŭ paradak svaje arhanizmy, stomlenyja drajvam i kreatyvam, i vyrašyli ... što nierealnaje show must go on! Ciapier jany prapanujuć moładzi razam rabić muzyčnuju składanku.
Prapanova skiravanaja, u pieršuju čarhu, da hurtoŭ, jakija ŭžo vyraśli sa studenckich «kvaternikaŭ», ale jašče nie dasiahnuli ŭzroŭniu mienskich kłubaŭ. Zvyčajna takija kamandy hrajuć afihienna cikavuju, žyvuju muzyku, majuć aryhinalnyja aranžyroŭki i navat svaje fan‑kłuby. Adnak da vialikaj zali ich «niefarmatnaja muzyka», čaściej za ŭsio, nie dabirajecca. Udzieł u składancy stanie dla takich hurtoŭ dobraj mahčymaściu prezientavać svaju tvorčaść šyrokaj audytoryi.
Tematyka tvoraŭ dla kružełki moža być lubaja. Styl – pazityŭnaja, nie ciažkaja muzyka (rok, ska, pank, rehhi, folk‑madern i h.d.). Nastroj – viasnova‑letni. Biełaruskaja mova vitajecca.
Zapisy na prasłuchoŭvańnie čakajuć pa adrasie studfarmat@gmail.com. Dedłajn: 1 maja — 9 maja