Biełaruś rychtujecca da spałachu śmiertanosnaje chvaroby
Biełaruś maje raspracavać kompleksny płan mier pa padrychtoŭcy da pandemii hrypu, paviedamiła hałoŭnaja dziaržaŭnaja sanitarnaja doktarka Valancina Kačan.
Biełaruś maje raspracavać kompleksny płan mier pa padrychtoŭcy da pandemii hrypu, paviedamiła hałoŭnaja dziaržaŭnaja sanitarnaja doktarka Valancina Kačan u intervju ANT.
«Na siońniašni dzień niama navukova abhruntavanych źviestak, što ŭžyvańnie śvininy vyklikaje zachvorvańnie, — zajaviła V.Kačan. — Razam z tym sumiesna ź vieterynarnaj słužbaj prapracoŭvajucca pytańni tych mier, jakija treba budzie pryniać u najbližejšym časie, kali heta spatrebicca. My budziem nazirać za vypadkami hrupavoha i ŭspyškavaha zachvorvańnia. Biezumoŭna, my prapracoŭvajem zaraz pytańni ŭ cełym ab padrychtoŭcy kompleksnaha płana mier pa padrychtoŭcy da pandemii hrypu».
Uspyška śvinoha hrypu adbyłasia ŭ Mieksicy, dzie ŭžo pamierli 103 čałavieki i bolš jak 1.600 špitalizavany ź simptomami chvaroby. Virus vyjaŭleny ŭ žycharoŭ ZŠA, Kanady, Novaj Ziełandyi, Ispanii, jakija mieli znosiny ź mieksikancami abo jeździli ŭ hetuju krainu.
Pavodle źviestak ANT, uzmocnieny sanitarny kantrol u Nacyjanalnym aeraporcie «Minsk» i na biełaruskaj miažy.